Kranadagur

Details

Skrifað föstudaginn, 18 maí 2012 13:09

Á morgun laugardag verður "kranadagur" hjá Ými. Til stendur að koma kjölbátunum á flot og mum kraninn mæta kl. 16:00. Báðir secret bátar félagsins eru klárir og hafa aðrir bátseigendur unnið hörðum höndum síðustu daga í að gera sig klára.

Félagsmenn eru hvattir til að koma og taka þátt en margar hendur vinna létt verk :)

Æfingar að hefjast

Details

Skrifað mánudaginn, 14 maí 2012 23:08

Á morgun þriðjudag kl. 18:00 hefst formlega sumarstarf æfingahóps Ýmis.

Það verður létt stemmning og mun Óli Víðir þjálfari fara yfir sumarstarfið og síðan verða teknir fram þeir bátar sem menn ætla að sigla á í sumar og hafist handa við að gera þá klára. Æfingar munu síðan hefjast fljótlega en fyrsta mót sumarsins verður 2. júní, það er Opnunarmót sem haldið verður hjá okkur.

Æfingabúðir SÍL verða í Stykkishólmi

Details

Skrifað þriðjudaginn, 08 maí 2012 15:37

Vegna hafnarframvæmda á Sauðárkróki var ekki hægt að halda æfingabúðir þar eins og við ætlunin var. Nú hefur tekist að finna æfingabúðunum pláss í Stykkishólmi dagana 2.-8. júlí. Það er smá breyting á dagsetningum en búðirnar færast aftur um 2 daga. Við fáum gistingu í skólanum á Stykkishólmi þar sem er eldunaraðstaða fyrir hópinn. Nú er unnið hörðum höndum við að skipuleggja dagskránna. Þau óvæntu tíðindi gerðust að Tom Wilson bauðst til að koma og vera með okkur í æfingabúðunum í fríinu sínu frá Sail Oman og var það þegið með þökkum.

Í Stykkishólmi er starfandi siglingadeild innan ungmennafélagsins Snæfells innan félagsins eru siglingamenn og konur á öllum aldir.

Siglinganámskeið fyrir 9 til 12 ára ( f. 2000 - 2003 )

Details

Skrifað þriðjudaginn, 08 maí 2012 12:14

Siglingaklúbburinn Kópanes er með aðstöðu á siglingasvæði Ýmis við Naustavör. Á siglinganámskeiðunum er farið í grunnatriði í siglingum, róður á árabátum, kanóum og siglingum á seglbátum. Leiðbeinendur eru siglingamenn sem kappkosta að veita þátttakendum góða kennslu í siglingum. Mikil áhersla er lögð á öryggi barnanna. Mikilvægt er að börnin komi með nesti, séu klædd til siglinga og hafi meðferðis aukaklæðnað til skiptanna.

Námskeiðsgjald er 7500 kr. fyrir 2 vikur. Veittur er 20% systkinaafsláttur. Hámarksfjöldi er 12 börn á hvert námskeið.

Skráning er hafin á heimasíðu Kópavogsbæjar.