Sjósetning á morgun

Details

Skrifað föstudaginn, 17 maí 2013 17:55

Á morgun laugardag verða skútur á bátaplani Ýmis sjósettar. Það eru Sæstjaran og Aría ásamt félagsbátunum tveimur Sigyn og Sif sem verða settar á flot. Undanfarið hefur vaskur hópur unnið að því að gera bátana klára fyrir sumarið.

Kraninn mun mæta kl. 12 á hádegi og hefjumst við þá þegar handa við að koma bátunum á sjó. Félagsmenn eru hvattir til að mæta og taka þátt í því skemmtilega verki sem sjósetning er. Svo er bara að óska þess að sumarið verði okkur sigliingamönnum gott og að sem flestir eigi góðar stundir á sjó þetta árið

Ýmisfélagar – Fimmtudagskvöld í sumar

Details

Skrifað fimmtudaginn, 09 maí 2013 20:40

Í sumar ætlum við að vera með opið og sigla saman á fimmtudögum frá kl. 17:30 – 20:30 eins og síðast liðið sumar. Þetta er hugsað fyrir alla félaga sem hafa greitt félagsgjaldið og vilja taka þátt í svona siglingum og starfi með öðrum félögum.

Við ætlum að byrja fimmtudaginn 16. maí til að undirbúa Secret bátana fyrir sjósetningu, botnmála o. s. frv. Gaman að sjá sem flesta (með vinnugallann)

Umsjónarmenn fimmtudagssiglinga: Hannes og Viðar

Félagsgjöld 2013

Details

Skrifað laugardaginn, 13 apríl 2013 16:29

Ágætu félagar, á næstu dögum munu greiðsluseðlar vegna félagsgjalds fyrir árið 2013 birtast í heimabanka félagsmanna. Við vonum að félagsmenn taki seðlunum vel og greiði gjaldið sem er aðeins 2.800 krónur auk seðilgjalds.

Við minnum jafnframt á að í sumar munum við eins og í fyrra hafa opninn félagsdag einu sinni í viku fyrir þá sem hafa greitt gjaldið.

Á fimmtudögum verða bátar félagsins til reiðu ásamt vönum mönnum. Félagsmenn eru hvattir til að mæta á félagsdagana og skella sér á sjó.

Stjórnin

Tilkynning frá heilbrigðiseftirlitinu

Details

Skrifað laugardaginn, 13 apríl 2013 16:18

Vegna viðhaldsvinnu í dælustöð á Kársnesi varar Heilbrigðiseftirlit Hafnarfjarðar- og Kópavogssvæðis við öllum sjóböðum í Fossvogi. Dælustöðin verður lokuð út næstu viku og er því veruleg hætta á mengun á meðan.

Allt á að vera komið í eðlilegt horf eftir viku og mun eftirlitið síðan gera mælingu um næstu mánaðarmót til að ganga í skugga um að Fossvogur hafi hreinsað sig.