Sigurborg í þriðja sæti

Details

Skrifað sunnudaginn, 16 ágúst 2015 10:42

Íslandsmót kjölbátafór fam í Hafnarfirði um helgina. Ein áhöfn frá Ými tók þátt í mótinu, það var áhöfnin á Sigurborg undir stjórn Smára Smárasonar og höfnuðu þeir í þriðja sæti. Alls tóku sex áhafnir þátt í mótinu að þessu sinni. Áhöfnin á Skeglu frá Þyt í Hafnarfirði sigraði mótið og tóku þar með titilinn af Dögun frá Brokey sem hafnaði í öðru sæti.

Röðin á mótinu var þessi:
1. Skegla, Þytur
2. Dögun, Brokey
3. Sigurborg, Ými
4. Aquarius, Brokey
5. Ögrun, Brokey
6. Icepick 1, Þyt
7. Ásdís, Þyt

Nánari upplýsingar um mótið er að finna á sailing.is

Sumarmót kjölbáta 2015

Details

Skrifað mánudaginn, 20 júlí 2015 13:55

Vegna lítillar skráningar er mótinu aflýst.

Sumarmót Kjölbáta verður haldið laugardaginn 25. júlí n.k. Keppt verður á Skerjafirði og innfjörðum hans.

Tilkynning um keppni

1. Reglur
Keppt verður samkvæmt:
a Kappsiglingareglum ISAF
b Kappsiglingafyrirmælum SÍL
c Kappsiglingafyrirmælum mótsins

2. Auglýsingar
Eftirfarandi takmarkanir eru á auglýsingum keppenda:
Bátar gætu þurft að sýna auglýsingar sem skipuleggjendur velja og láta í té.a búnaði

3. Þátttökuréttur
Rétt til þátttöku hafa fullgildir félagar í siglingafélögum samkvæmt móta- og keppendareglum SÍL.

4. Skráning
Skráningar berist til keppnisstjórnar fyrir kl. 21:00 miðvikudaginn 22. júní með tölvupósti á This e-mail address is being protected from spambots. You need JavaScript enabled to view it. . Taka þarf fram nafn báts, nafn skipstjóra, fjölda í áhöfn með skipstjóra, seglanúmer, forgjöf og félag sem keppt er fyrir.

Þó er hægt er að skrá allt fram að skipstjórafundi, en þá hækkar þátttökugjald.

Greiða má þátttökugjald inn á reikning  1135-26-6634 kt. 470576-0659 og senda tilkynningu á This e-mail address is being protected from spambots. You need JavaScript enabled to view it. .

5. Þátttökugjald
Þátttökugjald á hvern áhafnarmeðlim verður kr. 1.500.

Gjaldið hækkar í kr. 2.000 ef skráning berst eftir kl. 21:00 miðvikudaginn  22. júní.

6. Tímaáætlun
25. júlí: 
Móttaka þátttökugjalds og áhafnarlista og afhending kappsiglingafyrirmæla frá kl. 8:30 – 9:00
Skipstjórafundur kl. 9:00
Fyrsta viðvörunarmerki 9:55

Stefnt er að þremur umferðum

Matur verður veittur að keppni lokinni, innifalinn í þátttökugjaldi

7. Mælingar
Keppt verður samkvæmt IRC forgjöf og skal framvísa gildu mælibréfi fyrir alla báta.

8. Kappsiglingafyrirmæli
Siglingafyrirmæli verða afhent að morgni keppnisdags og birtast á heimasíðu Ýmis daginn áður.

9. Keppnissvæði
Keppt verður á Skerjafirði og innfjörðum hans.

10. Keppnisbrautir
Keppnisbrautum verður lýst í kappsiglingafyrirmælum.

11. Stigakerfi
Notað verður lágstigakerfi samkvæmt viðauka A í Alþjóða-kappsiglingareglunum. Keppnin veður ekki haldin nema að minnsta kosti 5 bátar hafi verið skráðir fyrir kl 21 miðvikudaginn 22 júní.

12. Samskipti
Bátar skulu ekki hafa samskipti með farsíma eða talstöð sem ekki eru aðgengileg öllum meðan þeir keppa nema í neyðartilvikum. Keppnisstjórn notar rás 74 til samskipta.

13. Verðlaun
Veitt verða verðlaun fyrir þrjú fyrstu sætin og miðað við sex í áhöfn.

14. Verðlaunaafhending
Verðlaunaafhending fer fram í félagsheimili Ýmis strax og úrslit verða ljós að lokinni keppni.

15. Ábyrgð
Allir sem taka þátt í mótinu gera það á eigin ábyrgð. Sjá reglu 4, ákvörðun um að keppa. Keppnisstjórn ásamt öllum þeim sem taka þátt í framkvæmd mótsins firra sig allri ábyrgð gagnvart  tjóni sem kann að verða vegna þátttöku í mótinu.

16. Tryggingar
Allir bátar skulu hafa gilda ábyrgðartryggingu gagnvart þriðja aðila.

17. Frekari upplýsingar
Frekari upplýsingar fást  hjá Aðalsteini Jens Loftsyni í síma 693 2221 eða með tölvupósti á This e-mail address is being protected from spambots. You need JavaScript enabled to view it.

Siglingafélagið Ýmir
Naustavör 20, pósthólf 444, 202 Kópavogur
Sími: 554 4148
Kennitala: 470576-0659
Banki: 536-26-6634

Ýmishöfn hlýtur bláfánann þriðja árið í röð

Details

Skrifað mánudaginn, 01 júní 2015 11:20

Þær hafnir sem skarta Bláfánanum hafa uppfyllt skilyrði um umhverfisstaðal og umhverfisfræðslu verkefnisins. Þeir eru hreint umhverfi, öryggisatriði hafnarinna, umgengni og flokkun sorps og úrgangs og markviss fræðslu á þessum þáttum.

Meginmarkmið verkefnisins er að vernda umhverfi í og við smábátahafnir og baðstrendur og þannig tryggja heilbrigði umhverfisins til framtíðar, auk þess að búa í haginn fyrir komandi kynslóðir.

Bláfáninn er mikil viðurkenning fyrir Kópavogsbæ og munu Kópavogsbær í samstarfi við siglingafélagið Ýmir standa að umhverfisfræðslu fyrir starfsmenn Kópaness og félagsmenn Ýmis og þau börn sem verða á siglinganámskeiði sumarið 2015.

Áhersla verður lögð á fræðslu um nærumhverfi hafnarinnar með uppsetningu á fróðleiksskiltum varðandi fuglalíf á svæðinu. Kópavogsbær fær að þessu sinni afhentan Bláfána í þriðja sinn fyrir Ýmishöfn. Fáninn mun blakta við höfnina í Kópavogi fram til 15. september.

Úrslit Opnunarmóts kæna 2015

Details

Skrifað sunnudaginn, 31 maí 2015 22:07

Opnunarmót kæna fór fram í dag. Gott siglingaveður var en sigldar vour tvær umferðir. Alls mættu átta keppendur á sjö bátum, keppt var í tveimur flokkum, Optimist og Opnum flokki.

Að keppni lokinni fór fram verðlaunaafhending í félagsaðstöðu Ýmis og var það bæjarstjórinn Ármann Kr. Ólafsson sem afhenti verðlaunin.

Úrslit:

Optimist 
1. sæti Þorgeir Ólafsson, Brokey, 2 stig
2. sæti Andrés Nói Arnarson, Brokey, 4 stig
3. sæti Atli Gauti Ákason, Brokey, 6 stig

Opinn flokkur
1. sæti Hulda Lilja Hannesdóttir, Brokey, Laser R, 3 stig
2. sæti Dagur Tómas Ásgeirsson, Brokey, Laser R, 3 stig
3. sæti Tómas Zoega, Ýmir, Laser R, 6 stig
4. sæti  Ólafur og Gunnar, Brokey, T Argo, 8 stig