Íslandsmót kæna 2011

5. - 7. ágúst 2011
Siglingafélagið Ýmir
Keppt verður á Skerjafirði og innfjörðum hans

Tilkynning um keppni

1. Reglur

Keppt verður samkvæmt:

  1. Kappsiglingareglum ISAF
  2. Kappsiglingafyrirmælum SÍL
  3. Kappsiglingafyrirmælum mótsins

2. Auglýsingar

  1. Auglýsingar verða leyfðar samkvæmt flokki C í Alþjóða kappsiglingareglunum
  2. Auglýsingar sem keppnishaldari útvegar kann að þurfa að sýna á bátum eða búnaði

3. Þátttökuréttur

Rétt til þátttöku hafa fullgildir félagar í siglingafélögum samkvæmt móta- og keppendareglum SÍL.

Keppt verður í eftirfarandi flokkum:

  1. Optimist:

a. A flokkur fyrir þá sem tekið hafa þátt Íslandsmótum A flokks, eða lent ofan við miðju í íslandsmóti B flokks

b. B flokkur fyrir aðra

  1. Laser standard
  2. Laser radial
  3. Laser 4,7
  4. Topper Topaz
  5. Opnum flokki fyrir aðrar kænur en Optimist og verður þar keppt eftir forgjöfum sem samþykktar hafa verið af SÍL

Flokkar geta breyst samkvæmt ákvörðun keppnisstjórnar og verður þá tilkynnt fyrir skipstjórafund.
Allar kænur skulu bera seglanúmer samkvæmt reglum SÍL.

4. Skráning

Skráningar berist til keppnisstjórnar fyrir kl. 21:00 þriðjudaginn 2. ágúst með tölvupósti á This e-mail address is being protected from spambots. You need JavaScript enabled to view it. Taka þarf fram nöfn keppenda, seglanúmer báts, bátstegund, félag sem keppt er fyrir og í hvaða flokki.
Þó er hægt er að skrá allt fram að skipstjórafundi, en þá hækkar þátttökugjald.
Greiða má þátttökugjald inn á reikning 1135-26-6634 kt. 470576-0659 og senda tilkynningu á This e-mail address is being protected from spambots. You need JavaScript enabled to view it. .

5. Þátttökugjald

Þátttökugjald á hvern keppanda verður kr. 3.000.
Gjaldið hækkar í kr. 4.500 ef skráning berst eftir kl 21:00 þriðjudaginn 2. ágúst.

6. Tímaáætlun

5. ágúst:

Móttaka þátttökugjalds og afhending kappsiglingafyrirmæla frá kl. 13:00 - 14:30
Skipstjórafundur kl. 15:00
Viðvörunarmerki fyrir fyrstu keppni kl. 15:55
Stefnt að tveimur umferðum

6. ágúst:

Viðvörunarmerki fyrir fyrstu keppni dagsins kl. 9:55
Stefnt er að sex umferðum
Gert verður stutt hlé þar sem keppendur geta farið í land til að borða hádegishressingu
Um hvöldið verður grillað. Hvort tveggja innifalið í þátttökugjaldi

7. ágúst:

Varadagur

Ef þrem eða fleiri umferðum verður lokið verður ekki gefið viðvörunarmerki eftir kl 16:00 þann 6. ágúst. Ef færri en þrem verður lokið þá verður keppt 7. ágúst.

7. Kappsiglingafyrirmæli

Siglingafyrirmæli verða afhent fyrir skipstjórafund á fyrsta keppnisdegi og verða birt á heimasíðu Ýmis daginn áður.

8. Keppnissvæði

Keppt verður á Skerjafirði og innfjörðum hans.

9. Keppnisbrautir

Keppnisbrautum verður lýst í kappsiglingafyrirmælum.

10. Stigakerfi

  1. Notað verður lágstigakerfi samkvæmt viðauka A í Alþjóða-kappsiglingareglunum
  2. Ef kepptar verða þrjár eða færri umferðir, reiknast allar til stiga, verði sigldar fleiri umferðir

kastar hver keppandi sinni lökustu keppni

11. Samskipti

Bátar skulu ekki hafa samskipti með farsíma eða talstöð sem ekki eru aðgengileg öllum meðan þeir keppa nema í neyðartilvkum. Keppnisstjórn notar rás 6 til samskipta.

12. Bátar þjálfara

Bátar þjálfara verða ekki leyfðir.

Þjálfarabátur er bátur sem er notaður af aðila til að safna upplýsingum eða veita ákveðnum keppendum stuðning, annað hvort á sjó eða í landi.

13. Verðlaun

Veitt verða verðlaun fyrir þrjú fyrstu sætin í hverjum flokki ásamt því að sigurvegarinn hlýtur farandbikar og nafnbótina „Íslandsmeistari viðkomandi flokks 2011“.
Samkvæmt kappsiglingafyrirmælum SÍL er ekki keppt til íslandsmeistaratitils nema fimm bátar hefji keppni í viðkomandi flokki.

14. Verðlaunaafhending

Verðlaunaafhending fer fram í félagsheimili Ýmis strax og úrslit verða ljós að lokinni keppni.

15. Ábyrgð

Allir sem taka þátt í mótinu gera það á eigin ábyrgð. Sjá reglu 4, ákvörðun um að keppa. Keppnisstjórn ásamt öllum þeim sem taka þátt í framkvæmd mótsins firra sig allri ábyrgð gagnvart tjóni sem kann að verða vegna þátttöku í mótinu.

16. Frekari upplýsingar

Frekari upplýsingar fást hjá Friðriki Hafberg í síma 898 0855 eða með tölvupósti á This e-mail address is being protected from spambots. You need JavaScript enabled to view it.

Siglingafélagið Ýmir

Naustavör 20, pósthólf 444, 202 Kópavogur

Sími 554 4148

Vefsíða www.siglingafelag.is

AddThis Social Bookmark Button

Viðbótar upplýsingar