Duglegir kappar

Details

Skrifað laugardaginn, 14 apríl 2012 10:57

Vinnukvöld á fimmtudag var vel heppnað, það var vaskur hópur sem mætti og var dekkið á Sigyn þrifið ásamt því sem innréttingin bakborðsmegin var losuð frá en hana þarf að festa upp á nýtt.

Í næstu viku stendur til að mála dekkið og festa innréttingunni. Allir áhugasamir ættu að láta sjá sig á fimmtudaginn kemur, auðvitað verður líka rjúkandi kaffi á könnunni.

Á meðfylgjandi mynd sem tekin var s.l. fimmtudag eru Hannes Sveinbjörnsson og Pétur Jónsson

Vorverkin

Details

Skrifað mánudaginn, 09 apríl 2012 21:26

Nú styttist í sumarið og tími vorverkanna. Hjá okkur í Ými er að sjálfsögðu einnig komið að undirbúningi sumarkomu. Duglegir félagar hafa í vetur tekið til hendinni og massað annan Secret bátinn okkar, Sigyn. Nú þarf að fara að taka botninn í gegn og fara í gegnum búnað. Þá hefur Ynglinginn okkar, Frygg verið máluð.

Við munum hittast á fimmtudagskvöldum fram á vor og eru allir félagar og aðrir áhugasamir að sjálfsögðu velkomnir, hvort sem er til að taka til hendinni eða bara spjalla yfir kaffibolla. Við verðum á svæðinu frá kl. 18 og eitthvað fram eftir.

Frygg tekin í gegn

Details

Skrifað mánudaginn, 05 mars 2012 01:54

Nú er verið að gera Yngling bátinn "Frygg" í stand. Það er félagi okkar Viðar Erlingsson sem hefur haft veg og vanda af verkinu. Hann pússaði bátinn allann upp og er nú búinn að lakka hann. Til stendur að fá á bátinn nýtt mastur fyrir sumarið og verður gaman að fá þennan fallega bát á flot aftur. Yngling báturinn mun þá bætast við leigu- og kennsluflota félagsins

Fimmtudagskvöld eru Ýmiskvöld

Details

Skrifað fimmtudaginn, 01 mars 2012 11:21

Félagsaðstaðan hjá Ými er opin öll fimmtudagskvöld frá kl. 18 og eitthvað frameftir. Heitt kaffi á könnunni og eitthvað til að maula með. Þá er einnig vel þegið að þeir sem vilja grípi í einhver verk en nú er verið að standsetja Sigyn, annan Secret bát félagsins.

Félagsmenn eru hvattir til að koma við, hittast og spjalla og/eða fá útrás fyrir athafnaþörf sína.