Íslandsmót kjölbáta 2017

Details

Skrifað laugardaginn, 15 júlí 2017 13:34

Siglingafélagið Ýmir auglýsir Íslandsmót kjölbáta 2017.

Mótið fer fram á athafnasvæði félagsins,
dagana 17. - 20. ágúst n.k.

Tilkynningu um keppni má nálgast hér

Sumardagskrá siglingafélagsins Ýmis 2017

Details

Skrifað fimmtudaginn, 04 maí 2017 22:34

1. Opnunarhátíð siglinga
Laugadaginn 10. júní milli kl. 13:00 – 16:00 efnir Siglingafélagið Ýmir til opnunarhátíðar í Naustavörinni. Allir félagsmenn og fjölskyldur þeirra eru velkomnir til að taka þátt í fyrsta siglingaviðburði sumarsins. Hægt verður að róa árabátum og kajökum og sigla kænum. Upplagt að mæta og hitta félagana, þiggja veitingar og leika sér með krökkunum.

2. Siglingaæfingar fyrir 8 – 15 ára
Í sumar verður boðið upp á siglingaæfingar fyrir börn á aldrinum 8 til 15 ára. Markmiðið er að æfa þátttakendur í að sigla Optimist, Topper og Laser bátum félagsins. Æfingarnar verða á mánudögum og miðvikudögum frá kl. 16.00 - kl. 19.00. Á fimmtudögum verður einnig opið fyrir þá sem hafa áhuga á og getu til að taka þátt í æfingakeppnum í samstarfi við Brokey siglingafélag. Tveir til þrír starfsmenn Ýmis verða á æfingunum: þjálfari, aðstoðar-maður þjálfara og fulltrúi Ýmis. Boðið verður upp á 10 vikna æfingatímabil. Fyrsta æfingin verður 12. júní og sú síðasta 16. ágúst. Gjald fyrir 10 vikur er kr. 27.000. Hægt er að nota Frístundastyrk Kópavogsbæjar fyrir 10 vikna æfingatímabil. Einnig er boðið upp á hálft æfingatímabil (5 vikur) sem kostar kr. 15.000. Fyrir þetta æfingatímabil er ekki hægt að nýta frístundastyrkinn. Hámarksfjöldi á æfingunum er að jafnaði 12 börn. Systkinaafsláttur 20%.

Umsjónarmenn: Sigríður Ólafsdóttir, Þorsteinn Aðalsteinsson og Hannes Sveinbjörnsson.
Sótt er um og greitt á Frístundagátt Kópavogsbæjar.
Frekari upplýsingar eru veittar á netfanginu This e-mail address is being protected from spambots. You need JavaScript enabled to view it. og á Facebooksíðu félagsins.

3. Opið hús fyrir almenning
Á þriðjudögum verður boðið uppá siglingar fyrir áhugasama íbúa í Kópavogsbæ. Fyrsta skipti verður 13. júní, kl. 16:00 – 19:00. Foreldrar geta mætt með börnum sínum og fengið að róa kajökum og árabátum og sigla litlum seglbátum undir eftirliti reynds starfsfólks. Þetta er upplagt tækifæri til að skemmta sér saman og kynnast sjónum og siglingum með öruggum hætti. Hvert skipti kostar 500 kr. á mann, að hámarki 1500 kr. fyrir fjölskyldu. Upplagt að hafa með sér nesti,en það verður kaffi á könnunni. Greiða skal með peningum á staðnum.

Umsjónarmaður: Ólafur Bjarnason

4. Félagskvöld
Á fimmtudögum milli kl. 16:00 - 20:00 gefst fullorðnum meðlimum Ýmis tækifæri til að sigla á bátum félagsins á Skerjafirðinum með öðrum félögum. Fyrsta skipti verður fimmtudaginn 15. júní. Skilyrði er að hafa greitt félagsgjaldið,(upplýsingar á heimasíðu).

Umsjónarmaður: Hannes Sveinbjörnsson

5. Skútunámskeið/undirbúningsnámskeið fyrir skemmtibátapróf
Siglingafélagið Ýmir býður upp á skútunámskeið fyrir fullorðna. Nemandinn er undirbúinn fyrir próf í verklegum hluta skemmibátaprófsins, sjá námskrá fyrir hásetanámskeið: www.siglingafelag.is, undir kjölbátar. Boðið verður upp á eftirfarandi dagsetningar: Námskeið nr. 1, 5.-17.júní. Námskeið nr. 2, 3.-15. júlí. Námskeið nr. 3, 8.-20.ágúst. Hvert námskeið telur 5 skipti: 4 tíma í senn á mánudögum, miðvikudögum og laugardögum. Verð: kr. 35.000. Nánari upplýsingar gefur Sigríður í síma 896-5874 eða siggaskipstjó This e-mail address is being protected from spambots. You need JavaScript enabled to view it. .

Umsjónarmaður: Sigríður Ólafsdóttir.
Greiða skal inná reikning félagsins: 536-26-6634, kt. 470576-0659 og senda Siggu kvittun.

6. Kænur fyrir foreldra - námskeið
Boðið verður upp á námskeið á Topper kænum félagsins fyrir foreldra og börn þeirra. Námskeiðið er fyrir fullorðna sem aldrei hafa prófað seglbáta og börn þeirra, sem eru of ung til að taka þátt í siglingaæfingunum. Að námskeiðinu loknu ættu þátttakendur að treysta sér til að mæta á þriðjudags- og fimmtudagskvöld félagsins (sjá lið 3 og 4). Námskeiðið stendur í þrjá föstudagseftirmiðdaga frá kl. 16:00 - 19:00 og hefst þann 23. júní. Námskeiðsgjaldið gildir fyrir fullorðinn og barn sem sigla saman. Kostnaður er kr. 10.000. Skráning og frekari upplýsingar hjá This e-mail address is being protected from spambots. You need JavaScript enabled to view it. (pláss takmarkast af bátakosti). Greiða skal inná reikning félagsins nr. 536-26-6634, kt. 470576-0659 og senda kvittun til Þorsteins.

Umsjónarmaður: Þorsteinn Aðalsteinsson

7. Keppnir á vegum félagsins
27. maí: Opnunarmót kæna
16.-20. ágúst: Íslandsmót kjölbáta
2. september: Lokamót kjölbáta
31. desember: Áramót

Umsjón keppna: Mótanefnd, Aðalsteinn Loftsson, Ólafur Bjarnason og Helga Ólafsdóttir.

Aðalfundur Ýmis

Details

Skrifað föstudaginn, 24 mars 2017 20:53

Aðalfundur félagsins var haldinn fimmtudaginn 23. mars. Eftirtaldir voru kosnir í aðalstjórn:

Hannes Sveinbjörnsson, formaður
Sigríður Ólafsdóttir, varaformaður
Þorsteinn Aðalsteinsson, gjaldkeri
Ólafur Bjarnason, ritari
Guðmundur Þórir Steinþórsson, meðstjórnandi

Fundargerð aðalfundar

Áramót 2016

Details

Skrifað laugardaginn, 17 desember 2016 19:59

,,Áramót kæna verður haldið 31. desember 2016
Siglingafélagið Ýmir

Keppt verður á Skerjafirði og innfjörðum hans
Tilkynning um keppni

1. Reglur

Keppt verður samkvæmt:
a. Kappsiglingareglum World Sailing
b. Kappsiglingafyrirmælum SÍL
c. Kappsiglingafyrirmælum mótsins

2. Auglýsingar
Eftirfarandi takmarkanir eru á auglýsingum keppenda: Bátar gætu þurft að sýna auglýsingar sem skipuleggjendur velja og láta í té.

3. Þátttökuréttur
Rétt til þátttöku hafa fullgildir félagar í siglingafélögum samkvæmt móta- og keppendareglum SÍL.
Keppt verður í opnum flokki kæna og keppt eftir forgjöfum sem samþykktar hafa verið af SÍL.

4. Skráning
Skráningar berist til keppnisstjórnar fyrir kl. 21:00 miðvikudaginn 28. desember með tölvupósti á This e-mail address is being protected from spambots. You need JavaScript enabled to view it. Taka þarf fram nöfn keppenda, seglanúmer og bátstegund og félag sem keppt er fyrir.

5. Þátttökugjald
Þátttökugjald er ekkert.

6. Tímaáætlun
31. desember:
Afhending/kynning kappsiglingafyrirmæla frá kl. 11:30 - 12:00
Skipstjórafundur kl. 12
Viðvörunarmerki kl. 12:55

Sigldar verða ein til tvær umferðir

Keppnisstjórn áskilur sér rétt til að ræsa ekki keppni ef ef vindur er undir 4 hnútum að meðaltali á keppnissvæði samkvæmt mælingum keppnisstjórnar.

Keppnir vera ekki ræstar ef vindur fer yfir 25 hnúta að meðaltali á keppnisvæði samkvæmt mælingum keppnisstjórnar. Keppnisstjórn áskilur sér réttindi til að lækka þetta mark ef hitastig fer undir 10°C og eða ef öldur eru háar að mati keppnisstjóra. Keppnir verða ekki ræstar ef skyggni kemur í veg fyrir að keppnisstjórn geti haft yfirsýn yfir keppnissvæðið.

Eftir keppni verður boðið uppá veitingar boði Ýmis

7. Kappsiglingafyrirmæli
Siglingafyrirmæli verða afhent fyrir skipstjórafund og stefnt er að því að birta þau á heimasíðu Ýmis daginn áður.

8. Keppnissvæði
Keppt verður á Skerjafirði og innfjörðum hans ef veður og hitastig leyfir.

9. Keppnisbraut
Keppnisbraut verður lýst í kappsiglingafyrirmælum.

10. Stigakerfi
Notað verður lágstigakerfi samkvæmt viðauka A í Alþjóða-kappsiglingareglunum.

11. Verðlaun
Veitt verða verðlaun fyrir þrjú fyrstu sætin.

12. Verðlaunaafhending
Verðlaunaafhending fer fram í félagsheimili Ýmis strax og úrslit verða ljós að lokinni keppni.

13. Ábyrgð
Allir sem taka þátt í mótinu gera það á eigin ábyrgð. Sjá reglu 4, ákvörðun um að keppa. Keppnisstjórn ásamt öllum þeim sem taka þátt í framkvæmd mótsins firra sig allri ábyrgð gagnvart tjóni sem kann að verða vegna þátttöku í mótinu.

14. Frekari Upplýsingar
Frekari upplýsingar fást hjá Aðalsteini í síma 693 2221 eða með því að senda fyrirspurnir með tölvupósti á This e-mail address is being protected from spambots. You need JavaScript enabled to view it.