Sumarið á næstu grösum

Innan skammst munum við opna fyrir skráningu á Abler í eftirfarandi sumarnámskeið: 

Í Júní (eftir að skóla lýkur) og Júlí munum við bjóða upp á vikulöng námskeið:

• Leikjanámskeiðið "Leikur við sjóinn", sem er fyrir krakka sem hafa litla eða enga reynslu af sjónum. Námskeiðið er á morgnanna. Skráning á þessi námskeið fer fram á Abler kerfinu.

• Seglbátanámskeiðið "Lærðu að sigla", sem er fyrir byrjendur. Við bjóðum upp á þessi námskeið fyrir börn og fyrir fullorðna (opin aldur). Barnanámskeiðin eru haldin eftir hádegi, en námskeiðin fyrir opna aldurinn (t.d. fjölskylur) er eftir kl 17. Skráning á þessi námskeið fer fram á Abler kerfinu.

• Seglbátanámskeiði "Framhaldsnámskeið í siglingum", sem er hugsað fyrir þá sem eru búnir að ná grunninum og langar að bæta færni með því að spreyta sig áfram í siglingum. Námskeiðin eru bæði fyrir börn og fyrir fullorðna og eru kennd á sama tíma og "Lærðu að sigla" námskeiðin. Skráning á þessi námskeið fer fram á Abler kerfinu.

Við verðum með kjölbátanámskeið

• "Kjölbátur 1" er nýtt námskeið fyrir fullorðna sem langar að læra að sigla án þess að blotna (mikið). Í hverju námskeiði verða 2-3 nemendur í hvert skipti, 1-2 skipti á viku í 2-4 vikur. Námskeiðið notar litlu kjölbáta félagsins þar sem leiðbeinandinn er samferða fyrstu skiptin, en er síðan á öryggisbát seinni hluta námskeiðsins. Skráning á þessi námskeið fer fram á Abler kerfinu, en einnig er vel þegið að fá beiðnir inn á siglingafelag@siglingafelag.is 

• "Hæfur Háseti" er undirbúningsnámskeið fyrir réttindapróf á kjölbátum (skemmtibátaréttindi). Námskeiðið er kennt yfir helgi (föstudag-sunnudag). Nákvæm tímasetning þarf hinsvegar að fara eftir veðri. Skráning á þessi námskeið fer fram á Abler kerfinu, en þar sem námskeiðið er kennt af sjálfboðaliðum félagsins þurfa áhugasemir að senda inn beiðni á siglingafelag@siglingafelag.is.

Félagsstarf á kölbátum mun hefjast eftir kranadag. Hér verðum við með

• Áhafnasiglingar fyrir fastar áhafnir. Þetta fyrirkomulag er fyrir félagsmenn sem hafa tekið námskeiðið "Hæfur háseti" eða svipuð námskeið. Einnig geta þeir sem hafa skemmtibátaréttindi á skútum eða RYA réttindi skráð sig í fastar áhafnir. Í fastri áhöfn sigla skipaðir skipstjórarar á kjölbátum félagsins með áhöfn. Siglt er vikulega ef veður leyfir eftir sjósetningadag í maí og út október. Áhöfnin er "föst" þar sem skráðir meðlimir eiga tryggt sæti um borð. Skipstjórar hafa verið skipaðir á

  • Mánudaga (kvennaáhöfn)

  • Þriðjudaga (keppnisáhöfn)

  • Miðvikudaga

  • Fimmtudaga

Skráning í fastar áhafnir fer fram á Abler kerfinu

• Áhafnasiglingar fyrir lausar áhafnir. Þetta fyrirkomulag er fyrir sama hóp og getur skráð sig í fastar áhafnir, en hér er enginn einn dagur er tryggður. Lausar áhafnir fá þau sæti sem eru ekki í notkun hjá föstum áhöfnum og því er möguleiki á að komast í siglingu á öðrum dögum. Yfirleitt eru nokkur sæti ekki fyllt í siglingum. 

Skráning í fastar áhafnir fer fram á Abler kerfinu, en þessi valmöguleiki er undirliður í áhafnaskráningunni

• Öldungar á skútum: Þetta er nýtt fyrirkomulag þar sem viðkomandi skráir sig í 3-4 siglingar með skipstjóra þegar þeim hentar. Gert er ráð fyrir rólegri siglingu með 3-4 auk skipstjóra út á Skerjafjörð, kaffibolla og öngul til að renna fyrir fisk. 

Skráning fram á Abler kerfinu. Engin föst tímasetning er á þessari skráningu, en skipstjóri mun hafa samband beit við þá sem eru skráðir.